वंदना गीत
मांय दन्तेशरी चो वंदना
मांय दन्तेशरी तुमके अरज करूंसे।
आया रे….आशीद हमके देस।।
तुमी माता मावली तुमी हिंगलाजीन।
तुमी सितला रेवागड़िन तुमी पेन्डरावन्डीन।।
हामी लोलो बालो तुमचो कोरा ने बसलूंसे।
हामी दुख दण्ड के जानूं नई हांसलूंसे।।
आया रे….
नंदी डोंगरी करपन घाटी ने आसे तुमचो बास।
भैरम भीमा कुंवर लिंगो बूढ़ा तुमी आस।।
आंगा डोी लाठ गपली मांय तुमचो दतर।
ओल्की कोल्की जोत जलेसे मांय तुचो बसतर।।
आया रे…..
बाजा बाजेसे नंगाड़ा मोहरी अरू ढोल निशान।
सेवाकारी सेवा गावसत आया सांझे बिहान।।
खेलून कूदून हांसी ठट्ठा ने चलेसे मांय जीवना।
अरज इतरो करूंसे मांय झूलते रहा झूलना।।
आया रे…..
महेश पांडे
शीतलापारा
कोण्डागांव
मो.-9406151650